ذهب ينزف ذهب

موضوع: ذهب ينزف ذهب الإثنين يوليو 21, 2008 12:41 am

الف عام الجزه وما جنه الف عام

جنهن ذني كلهن مرن العام

وكل عام اليمر نتذكر العام

ونكول العام كسرو ضلع الاسلام

وكطعنه السنين من البجي عليك

وذبلت من بجينه ورجعت ايّام

يالدمك عصف وبكل وكت هاب

ونزف دمّك رياح اتطشر الاصنام

اذا نفرض نزف دمّك عالسنين

ونقسمه عله السنين شطول عمره

طشّرنه السنين عله الدمه السال

لكينه الدم يسيل عله النطشره

اذن كل الف عام اللي يمر بيك

معناه بدمه يعادله قطره

وذهب ينزف يذهب ويرصع الكاع

ويجري بكل وكت نهر الضماير

وشمس تتصابح بكبتك كل يوم

ويوميه السمه تبوس المناير

كلا كلمه وحده وعاشت اسنين

ومنابر تحجي بيه عله المنابر

بالدفتر كتبت اسمك عالسطور

ونسه اسمك دفتري وماصار شاطر

لان اسمك نهر ويروي الاجيال

وكاغد ينرطب كلب الدفاتر

وذمينه الفرات اشكثر عالماي

لان ماضكت مايه بيوم عاشر

نهر جان الفرات بكربله زغير

ومن همك كبر ظل كل سنه يزيد

وروجه اللي نشوفه بنصه مو روج

هاي من الحزن طلعت تجاعيد

ورثنه من الفرات اللطم والنوح

وصارت كربله سنّه وتقاليد

وخلص صوت البجي وماخلصن دموع

ودمع عيّونه يردد اناشيد

ونزورك عن بعد لكن نحس بيك

ونحسك قريب وكبرك بعيد