بسم الله الرحمن الرحيم
اترككم مع القصيده
يا عباس
يا عباس ما ينقاس وفاك وينعرف حده
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
حاطتني ألرزايا السود والمسند صفه احزان
ناديت بشچاوة صوت اريد بكربلا اعوان
شح بيه لوگت وامحل لا جاد ولا خله اخوان
اشلون عجيد //يبقى وحيد//ومثل عباس اخو عنده
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
نخيتك يا زعيم الكــــــر تجيب الماي لهل أحسين
وتشرب اطفالي بچفوفك وتباريهم بصدة عين
كرمت الشاطي بالچفين وأنا عيني على الچفيــن
وناطي العين //شظل لحسين//أخوك وطايح بشده
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
عزيزه چفوف ابو فاضل وعز زينب وياهن راح
ورايه الهزت المــــيدان طاحت من فحلهه طاح
واليفگد مثل عبـــــــاس هم عنده گلب يرتـــــاح
وحده وگوم //وگلب يلوم //واياس الراح شيرده
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انه بساعه منيتي احتاج گطره ماي من جودك
لونك حي يا ابو فاضل توسدني على زنـودك
عذر تبچيني عن الماي وابلل ريجي بدموعك
مناي بعيد //طاح الحيد //وحيلي مصابك الهده
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الينازع تحضره الخوان وانا خوان ما عـــــندي
وألي أمنيه يا عبـــاس من بالحومه اظل وحدي
اذا صاب السهم چبدي أحط چفك على چبـــدي
ابچف شمام //تخف الالام /شوغة مردة الچبده
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
عند الله القدر مكتوب اموت وجثتي بلا راس
ولو صح بالقدر تغير وراسي ما تحزه الناس
اوصي خلي دفانـي وساده خدي چف عباس
اغفه عليها //واشتم بيه //انامل چالورد شده
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انا من منيتي اتنـــــازل كرامه الك ولجثتك
وبعد ادري سؤال يصير للسجاد من اختـــك
يا عمه من ادفنت الاجساد جاوبني بعد عمتك
هم رديت // من دفنيت //چف عمك لعد زنده
الشاعر
سيد جاسم الجزائري
موضوع: يا عباس قصيده روعه 
الإثنين يوليو 21, 2008 12:53 am
